Khmer Web: Rental Bicycle App: Deploy App to GitHub & Heroku

ក្រោយពី virtual environment ត្រូវបានបង្កើតឡើងរួចហើយ និងកម្មវិធីគេហទំព័រ Rental Bicycle App ជាអប្បបរិមា ត្រូវបានបង្កើតឡើងរួចហើយ យើងអាច deploy កម្មវិធីនេះទៅកាន់ប្រព័ន្ធ GitHub និង Heroku បានដោយគ្មានបញ្ហាអ្វីឡើយ ដោយគ្រាន់តែបង្កើតឯកសារចាំបាច់ចំនួន ៣ គឺ Procfile, requirements.txt, runtime.txt គឺជាការស្រេច។

ដោយឡែក Procfile គឺជាឯកសារគ្មាន extension ប្រើប្រាស់សំរាប់សរសេរផ្តល់ព័ត៌មានដល់ប្រព័ន្ធ Heroku អោយដំណើរការកូដនៅក្នុងឯកសារណាមួយ ដើម្បីដំណើរការកម្មវិធីគេហទំព័ររបស់យើង។ ហើយនៅក្នុងបរិបទនៃកម្មវិធី Rental Bicycle App យើងត្រូវសរសេរព័ត៌មាននៅក្នុងឯកសារ Procfile ដូចខាងក្រោមនេះ៖

web: python app.py

ចំពោះព័ត៌មាននៅក្នុងឯកសារ requirements.txt វិញ វាជាព័ត៌មានប្រាប់ដល់ប្រព័ន្ធ Heroku អោយតំលើងកញ្ចប់ចាំបាច់ទាំងឡាយដែលយើងបានតំលើងនៅក្នុង virtual environment របស់យើង ដោយប្រើប្រាស់បញ្ជា pip ។ ហើយដើម្បីបង្កើតឯកសារ requirements.txt រួមជាមួយនឹងព័ត៌មាននៃកញ្ចប់ដែលត្រូវបានដំឡើង យើងគ្រាន់តែដំណើរការ virtual environment របស់យើង និងសរសេរនៅលើបង្អួចខ្មៅដោយធ្វើដូចខាងក្រោមនេះ៖

myvenv\Scripts\activate
pip freeze > requirements.txt

បន្ទាប់មកទៀត យើងចាំបាច់ត្រូវបង្កើតឯកសារឈ្មោះ runtime.txt មួយទៀត ដែលនៅក្នុងនោះ យើងចាំបាច់ត្រូវសរសេរព័ត៌មានប្រាប់ដល់ប្រព័ន្ធ Heroku អោយប្រើប្រាស់ភាសា Python លេខណាមួយដើម្បីដំណើរការកម្មវិធី Rental Bicycle App របស់យើង ដោយសរសេរដូចខាងក្រោមនេះ៖

python-3.8.5

ចុងក្រោយបង្អស់ យើងត្រូវធ្វើការកែប្រែកូដនៅក្នុងឯកសារដែលជាកម្មវិធីមេរបស់របស់យើង ក្នុងគោលបំណងធ្វើយ៉ាងណា អោយវាអាចដំណើរការ online នៅលើប្រព័ន្ធ Heroku ផង និងអាចដំណើរការ offine នៅក្នុងកំព្យូទ័រផ្ទាល់ខ្លួនរបស់យើងផង ដោយធ្វើដូចខាងក្រោមនេះ៖

#\app.py
import os
from bottle import route, run
  
@route('/')
def main():
    return "Hello World!"
  
if 'DYNO' in os.environ:
  run(host='0.0.0.0', port=os.environ.get('PORT', 9000))
else: 
  run(host='localhost', port=9000, debug=True, reloader=True)

មួយវិញទៀត ដើម្បីចំលងយកកម្មវិធីគេហទំព័រ Rental Bicycle App របស់យើងទៅដាក់នៅក្នុង repository ណាមួយ មានដូចជា Rental-Bicycle-App នៅក្នុង account របស់យើងនៅលើប្រព័ន្ធ GitHub យើងចាំបាច់ត្រូវ download និងតំលើងកម្មវិធី git ដោយចូលទៅកាន់គេហទំព័រមួយនេះ https://git-scm.com/downloads ។ លុះមានកម្មវិធី git នៅក្នុងកំព្យូទ័ររបស់យើងហើយ យើងអាចចំលងយកកូដនៃកម្មវិធី Rental Bicycle App របស់យើងទៅដាក់នៅលើប្រព័ន្ធ GitHub បានដោយសរសេរបញ្ជានៅលើបង្អួចខ្មៅ ដូចខាងក្រោមនេះ៖

git init
git remote add origin https://github.com/Sokhavuth/Rental-Bicycle-App.git
git add .
git commit -m "First commit"
git push origin master

https://github.com/Sokhavuth/Rental-Bicycle-App

បន្ទាប់មកទៀត ដើម្បីតំលើងឬ deploy កម្មវិធីគេហទំព័រ Rental Bicycle App របស់យើងនៅលើប្រព័ន្ធ Heroku យើងគ្រាន់តែបង្កើត app ថ្មីមួយនៅក្នុងប្រព័ន្ធ Heroku និងភ្ជាប់ link មកកាន់ repository នៃកម្មវិធី Rental Bicycle App នៅលើប្រព័ន្ធ GitHub គឺជាស្រេច។ ខាងក្រោមនេះគឺជាឧទាហរណ៍មួយនៃកម្មវិធី Rental Bicycle App ដែលត្រូវបានតំលើងនៅលើប្រព័ន្ធ Heroku ៕

https://khmerweb-rba.herokuapp.com/