Flask គឺជា web framework ដែលជាកញ្ចប់នៃក្បួនខ្នាតមួយចំនួន សំរាប់យកទៅប្រើប្រាស់ក្នុងការសរសេរកម្មវិធីគេហទំព័រជាភាសា Python ។ យ៉ាងណាម៉ិញកញ្ចប់នៃក្បួនខ្នាតមួយនេះ កំពុងមានប្រជាប្រិយជាខ្លាំងពីមួយថ្ងៃទីមួយថ្ងៃ ដោយហេតុថា លក្ខណៈពិសេសរបស់កញ្ចប់មួយនេះ គឺវាមានប្រភេទជា microframework មានន័យថា វាជាកញ្ចប់ដ៏តូចបំផុតមួយ ដែលនៅក្នុងនោះ មានក្បួនយ៉ាងតិចបំផុត សំរាប់អោយយើងយកទៅប្រើប្រាស់បង្កើតតែមូលដ្ឋានគ្រឹះនៃកម្មវិធីគេហទំព័រតែប៉ុណ្ណោះ។ ហើយបន្ទាប់ពីនេះ យើងចាំបាច់ត្រូវប្រើប្រាស់ក្បួនខ្នាតនៅក្នុងកញ្ចប់ផ្សេងទៀត ដើម្បីសរសេរពង្រីកកម្មវិធីគេហទំព័រមូលដ្ឋានគ្រឹះនោះ អោយមានលក្ខណៈជាកម្មវិធីគេហទំព័រយ៉ាងពេញលេញ។
ក៏ប៉ុន្តែ លក្ខណៈអប្បបរិមារបស់របស់កញ្ចប់ Flask គឺជាចំណុចវិជ្ជមានមួយជួយសំរួលដល់ការរៀនសរសេរកម្មវិធីគេហទំព័រជាភាសា Python សំរាប់អ្នកចាប់ផ្តើមរៀនដំបូង ព្រោះវាជាកត្តាមួយជួយអោយពួកគេចំណាយពេលតិច ក្នុងការស្វែងយល់ពីចំណុចសំខាន់នៃកម្មវិធីគេហទំព័រ មានដូចជាការភ្ជាប់ផ្លូវ (routing) និង ការបង្កើតទំព័រ HTML (templating) ជាដើម។
យ៉ាងណាម៉ិញ ដើម្បីអាចប្រើប្រាស់ក្បួនខ្នាតនៅក្នុងកញ្ចប់ Flask នេះបាន យើងចាំបាច់ត្រូវទាញយកកញ្ចប់នេះ មកតំលើងនៅក្នុងថតដែលជាកម្មវិធីគេហទំព័ររបស់យើងជាមុនសិន។ អាស្រ័យហេតុនេះ ជាកិច្ចចាប់ផ្តើម យើងត្រូវបង្កើតថតមួយសំរាប់កម្មវិធីគេហទំព័ររបស់យើងជាមុនសិន មានដូចជាថតឈ្មោះថា «flask» ជាដើម។ បន្ទាប់មកទៀត យើងត្រូវបើកបង្អួចខ្មៅ និង CD ចូលទៅក្នុងថត flask នោះរូចត្រូវបង្កើត virtual environment មួយដើម្បីទាញយកនិងរក្សាទុកនូវក្បួនខ្នាតទាំងឡាយ ដែលជាប់ទាក់ទងនឹងកម្មវិធីគេហទំព័ររបស់យើង។
ការបង្កើត virtual environment ត្រូវធ្វើឡើង ដោយការសរសេរនៅលើបង្អួចខ្មៅថា៖
py -3 -m venv venvជាលទ្ធផល ថតមួយចំនួនត្រូវបានបង្កើតឡើងដោយស្វ័យប្រវត្តិ ហើយក្បួនខ្នាតមួយចំនួន ក៏ត្រូវបានទាញយកមករក្សាទុកនៅថតទាំងនោះ ដោយស្វ័យប្រវត្តិផងដែរ រួមទាំងផ្នែកទន់បកប្រែភាសា Python ដាច់ដោយឡែកមួយផងដែរ។ បន្ទាប់មកទៀត ដើម្បីតំលើងកញ្ចប់ flask នៅក្នុងថតនៃកម្មវិធីគេហទំព័ររបស់យើង យើងចាំបាច់ត្រូវដំណើរការ virtual environment ដោយសរសេរនៅលើបង្អួចខ្មៅ ដូចខាងក្រោមនេះ៖
venv\Scripts\activate pip install Flaskបន្ទាប់មកទៀត យើងអាចបង្កើតកម្មវិធីគេហទំព័រជាភាសា Python ដ៏តូចមួយ ដោយប្រើប្រាស់កញ្ចប់ flask ដោយធ្វើដូចខាងក្រោមនេះ៖
#c:\flask\index.py
from flask import Flask
app = Flask(__name__)
@app.route('/')
def hello_world():
return 'Hello, World!'
ហើយដើម្បីដំណើរការកម្មវិធីខាងលើ យើងត្រូវសរសេរនៅលើបង្អួចខ្មៅដូចខាងក្រោមនេះ រួចបើក browser ចូលទៅកាន់អាស័យដ្ខាន http://127.0.0.1:5000/
set FLASK_APP=index.py flask run
