ទិន្នន័យ cookies គឺជាព័ត៌មានមួយចំនួនតូច ដែល browser រក្សាទុកនៅក្នុងកំព្យូទ័ររបស់អ្នកប្រើប្រាស់ ជាកំណត់ហេតុនៃការប្រើប្រាស់ browser មានដូចការចូលមើលគេហទំព័រផ្សេងៗ និងព័ត៌មានស្តីពីការបំពេញទំរង់បែបបទមានដូចជា username, password, និង លេខ credit-card ជាដើម។
នៅក្នុងកម្មវិធីគេហទំព័រជាក់ស្តែង ទិន្នន័យ cookie នៅក្នុង browser ដើរតួនាទីដ៏សំខាន់ក្នុងការធ្វើអោយ server ដឹងថា តើ browser របស់អ្នកប្រើប្រាស់ណាខ្លះដែលបានបំពេញទំរង់បែបបទមានឈ្មោះអ្នកប្រើប្រាស់និងពាក្យសំងាត់ចូលទៅក្នុងទំព័រពិសេស (loggin) របស់គេហទំព័រនៅលើ server ។ ហើយព័ត៌មាន cookie ទាំងនោះអាចធ្វើអោយ server មានលទ្ធភាពផ្តល់ការអនុញ្ញាតអោយអ្នកប្រើប្រាស់ browser ដែលបានបញ្ចូលពាក្យសំងាត់ អាចចេញចូលទំព័រពិសេសនោះបានដោយសេរី ក្នុងរយពេលកំណត់ដ៏ខ្លីណាមួយ ឬគ្មានរយពេលកំណត់ ដូចជា server របស់បណ្តាញសង្គម Facebook ជាដើម។
ទន្ទឹមនឹងចំនុចវិជ្ជមាន ព័ត៌មាន cookie ក៏បង្ករអោយមានផលអវិជ្ចមានផងដែរ ពីព្រោះតាមរយព័ត៌មាន cookie ជនខិលខូចក៏អាចលួចយកព័ត៌មានស្តីពីពាក្យសំងាត់និងឬលេខប័ណ្ណធនាគារនៅក្នុង browser របស់អ្នកប្រើប្រាស់ទាំងឡាយបានដែរ។
អាស្រ័យហេតុនេះ សំណួរមួយបានចោទឡើងថា តើត្រូវលុបបំបាត់មិនអោយមានព័ត៌មាន cookie ឬយ៉ាងណា។ ហើយបើសិនជាលុបបំបាត់លែងអោយមានព័ត៌មាន cookie នោះ កម្មវិធីគេហទំព័រនៅលើ server ទាំងឡាយ នឹងគ្មានមធ្យោបាយណានឹងធ្វើការកត់សំគាល់ browser របស់អ្នកប្រើប្រាស់ដែលបានបញ្ចូលពាក្យសំងាត់ចូលទៅក្នុងទំព័រហាមឃាត់របស់គេហទំព័រនៅលើ server បានឡើយ។
ក៏ប៉ុន្តែ សហរដ្ឋអាមេរិកនិងសភាពអឺរ៉ុប បានរកឃើញមធ្យោបាយមួយដោះស្រាយបញ្ហាព័ត៌មាន cookie នេះ ដោយបានបង្កើតច្បាប់អោយអ្នកសរសេរកម្មវិធីគេហទំព័រទាំងឡាយត្រូវសុំការយល់ព្រមពីអ្នកប្រើប្រាស់ជាមុនសិន មុននឹងរក្សាព័ត៌មានទាក់ទងនឹងអ្នកប្រើប្រាស់ទុកជាព័ត៌មាន cookie នៅក្នុង browser របស់ពួកគេ។
ដោយឡែក នៅក្នុងកម្មវិធីជាភាសា JS ការស្រង់យក លុប និង បង្កើតព័ត៌មាន cookie ត្រូវធ្វើដូចខាងក្រោមនេះ៖
