Khmer Web: រក្សាទិន្នន័យទុកមួយអន្លើ

នៅក្នុងកម្មវិធីគេហទំព័រ CherryPy ជួនកាលទិន្នន័យមួយចំនួនត្រូវយកមកប្រើប្រាស់ជាញឹកញាប់ជាច្រើនលើកច្រើនសារ ហើយការស្រង់យកទិន្នន័យទាំងនោះពីមូលដ្ឋានទិន្នន័យ អាចត្រូវការពេលវេលាយូរ។ ដូចនេះ ដើម្បីកុំអោយខាតពេល យើងអាចប្រើប្រាស់មធ្យោបាយមួយដែលភាសាអង់គ្លេសហៅថា cache ដែលជាការរក្សាទិន្នន័យទុកមួយអន្លើសិន នៅពេលដែលកម្មវិធីកំពុងដំណើរការ ក្នុងគោលបំណងយកទិន្នន័យទាំងនោះមកប្រើប្រាស់ជាថ្មីទៀត បើសិនជាត្រូវការ ជៀសវាងការស្រង់យកទិន្នន័យទាំងនោះពីមូលដ្ឋានទិន្នន័យ ដែលអាចត្រូវការពេលវេលាយូរ។ ពិនិត្យកម្មវិធីខាងក្រោមនេះ៖

import cherrypy

class FormData(object):
  @cherrypy.expose
  def index(self):
    return """
     <html>
      <head></head>
      <body>
        
          
          
          
        
      </body>
    </html>
    """

  @cherrypy.expose
  def greet(self,gender,name):
    if(gender == "male"):
      title = "លោក"
    elif(gender == "female"):
      title = "កញ្ញា"
      cherrypy.session['lastUser'] = 'អ្នកប្រើចុងក្រោយគេគឺ'+title+" "+name
    return 'សួស្តី'+title+' '+name+'!'

  @cherrypy.expose
  def user(self):
    return cherrypy.session['lastUser']
    

if __name__ == '__main__':
  conf = {
    '/': {
      'tools.sessions.on': True
    }
  }

  cherrypy.quickstart(FormData(),'/', conf)

បើសិនជាយើងដំណើរការកម្មវិធីខាងលើនេះ និងបំពេញទំរង់បែបបទនៅត្រង់កន្លែងភេទជា female ហើយនៅត្រង់កន្លែងឈ្មោះជា មាលា រួចចូលទៅកាន់អាស័យដ្ឋានដូចនៅក្នុងរូបខាងលើនេះ យើងនឹងឃើញឈ្មោះរបស់អ្នកប្រើប្រាស់កម្មវិធីគេហទំព័ររបស់យើងចុងក្រោយគេគឺ មាលា ដែលត្រូវបានរក្សាទុកមួយអន្លើនៅពេលដែលកម្មវិធីកំពុងដំណើរការ។

មួយវិញទៀត នៅក្នុងកម្មវិធីខាងលើនេះ នៅលើបន្ទាត់លេខ 25 គឺជាការរក្សាទុកទិន្នន័យដែលជាអ្នកប្រើប្រាស់ចុងក្រោយទុកមួយអន្លើ នៅពេលដែលកម្មវិធីកំពុងដំណើរការ។

ចំណែកឯនៅលើបន្ទាត់លេខ 30 វិញ គឺជាការបង្ហាញទិន្នន័យដែលត្រូវបានរក្សាទុកមួយអន្លើនោះ នៅលើ browser នៅពេលដែលទំព័រដែលមានអាស័យដ្ឋានជា http://localhost:8080/user ត្រូវបានបើកមើល។

នៅលើបន្ទាត់លេខ 36 គឺជាការកំណត់អោយយន្តការនៃការរក្សាទិន្នន័យទុកមួយអន្លើ អាចប្រព្រឹត្តទៅបាន។

ចុងក្រោយបង្អស់ នៅលើបន្ទាត់លេខ 40 គឺជាការតំរូវអោយមានការរក្សាទុកទិន្នន័យមួយអន្លើ នៅពេលដែលទំព័រដើមនៃកម្មវិធីខាងលើ ត្រូវបានបើក៕