គួររំលឹកឡើងវិញថា សំរាប់កម្មវិធីគេហទំព័រ នៅពេលដែលអ្នកចូលមើលចុចចង់មើលទំព័រណាមួយ អាស័យដ្ឋាន (URL) របស់ទំព័រនោះត្រូវបានបញ្ជូនទៅកាន់កម្មវិធីគេហទំព័រដើម្បីពិនិត្យនិងធ្វើការឆ្លើយតបដ៏សមស្របណាមួយ។ ហើយជាទូទៅ ការឆ្លើយតបគឺជាការបង្ហាញព័ត៌មានដែលទាក់ទងនិងអាស័យដ្ឋាននោះនៅលើ browser ។
មួយវិញទៀត យន្តការពិនិត្យមើលអាស័យដ្ឋានដើម្បីធ្វើការឆ្លើយតបដ៏សមស្របណាមួយនោះ ត្រូវគេហៅជាភាសាអង់គ្លេសថា «routing» ដែលយើងអាចប្រើពាក្យខ្មែរថា «ការកំណត់ផ្លូវ» សំរាប់បកប្រែពាក្យនេះបាន ពីព្រោះយន្តការនេះមានលក្ខណៈដូចជាការកំណត់ផ្លូវទៅកាន់ឯកសារណាមួយដែរ។
យ៉ាងណាម៉ិញ ការកំណត់ផ្លូវចូលទៅកាន់ឯកសារណាមួយ អាចត្រូវធ្វើឡើងដោយប្រើប្រាស់ក្បួនឈ្មោះ Router() នៃសាស្ត្រា Express នៅក្នុងឯកសារដាច់ដោយណាមួយបាន ដោយធ្វើដូចខាងក្រោមនេះ៖
/* សាស្ត្រា ./routes/index.js */
var express = require('express');
var router = express.Router();
/* GET home page. */
router.get('/', function(req, res, next) {
res.render('index');
});
module.exports = router;
/* កម្មវិធី express.js */
var http = require('http');
var express = require('express');
var app = express();
var path = require('path');
var port = process.env.PORT || 3000;
//ការយកសាស្ត្រា index នៅក្នុងថត routes មកប្រើ
var indexRouter = require('./routes/index');
app.set('views', path.join(__dirname, 'views'));
app.set('view engine', 'ejs');
//ការយកក្បួននៅក្នុងសាស្ត្រា index ដើម្បីឆ្លើយតបទៅនឹងសំណើរ
//ដែលមានអាស័យដ្ឋានជាទំព័រដើម
app.use('/', indexRouter);
app.listen(port, function() {
console.log('The server is running at port '+port);
});
នៅលើបន្ទាត់លេខ 9 ការសរសេរថា var indexRouter = require('./routes/index'); គឹជាការយកសាស្ត្រា index នៅក្នុងថត routes មកប្រើនៅក្នុងកម្មវិធីខាងលើ។ យើងពិនិត្យឃើញថា សាស្ត្រា index ត្រូវបានបង្កើតឡើងនៅក្នុងឯកសារ index.js ស្ថិតនៅក្នុងថត routes ។
នៅលើបន្ទាត់លេខ 16 ការសរសេរថា app.use('/', indexRouter); គឹជាការយកក្បួននៅសាស្ត្រា index នៅក្នុងថត routes មកប្រើ ក្នុងគោលបំណត់កំណត់ផ្លូវទៅកាន់ឯកសារ index.ejs នៅក្នុងថត views នៅពេលដែលមានការចុចអាស័យដ្ឋានដែលជាទំព័រដើម៕
