Khmer Web: ចែកគេហទំព័រជាបីផ្នែក

ដើម្បីអោយមានការងាយស្រួលក្នុងការរចនាគេហទំព័រ គេច្រើនចែកគេហទំព័រជាបីផ្នែកគឺ ក្បាល ដងខ្លួន និង ជើង ឬអាចនិយាយបានម៉្យាងទៀតថា គេហទំព័រនិមួយៗអាចត្រូវផ្គុំឡើងដោយផ្នែកទាំងបីនេះដែលជា ក្បាល ដងខ្លួន និង ជើង ។ យ៉ាងណាម៉ិញ ដើម្បីបង្កើតផ្នែកទាំងបីនៃគេហទំព័រ យើងត្រូវធ្វើដូចខាងក្រោមនេះ៖

/*css ចាំបាច់សំរាប់រចនារូបរាងគេហទំព័រ*/
body{
  padding: 0;
  margin: 0;
  font: 14px "Lucida Grande", Helvetica, Arial, sans-serif, Hanuman;
}

a{
  color: #00B7FF;
}


<!DOCTYPE html>
<html>
  <head>
    <title><%= title %></title>
    
    
    
  </head>
  <body>


  <%= title %>
  ស្វាគមន៍មកកាន់ <%= title %>



</body>
</htm>


<% include partials/head %>
<% include partials/body-index %>
<% include partials/footer %>

ដើម្បីអោយមានការងាយស្រួលក្នុងការយកផ្នែកទាំងបីខាងលើនេះមកកែច្នៃរចនា ទៅតាមរចនាបឋផ្សេងៗ ដែលយើងចង់បាន គេច្រើនរក្សាទុកផ្នែកទាំងបីនេះនៅក្នុងថតតែមួយដាច់ដោយឡែក ដោយដាក់ឈ្មោះសំគាល់ជាអ្វីមួយ ឧទាហរណ៍ដូចជា «partials» ជាដើម។ ហើយបើយើងយកផ្នែកទាំងបីមកផ្គុំគ្នានៅក្នុងឯកសារឈ្មោះ index.ejs ដោយប្រើភាសា ejs ដូចនៅក្នុងកូដជាប់ខាងលើនេះ យើងនឹងបានគេហទំព័រទាំងមូល។

នៅលើបន្ទាត់លេខ 5 នៅក្នុងក្បាលគេហទំព័រ និងបន្ទាត់លេខ 2 នៅក្នុងខ្លួនគេហទំព័រ ការសរសេរថា <%= title %> គឺជាការប្រើប្រាស់ភាសា ejs ដើម្បីយកទិន្នន័យពីក្នុងកម្មវិធី Node.js មកបង្ហាញនៅក្នុងកន្លែងទាំងនោះ។

នៅលើបន្ទាត់លេខ 6 នៅក្នុងផ្នែកក្បាលគេហទំព័រ គឺជាការប្រើតំណរភ្ជាប់ទៅកាន់ឯកសារ css ឈ្មោះ style ដើម្បីកែច្នៃរចនាគេហទំព័រទាំងមូល។ ចំណែកឯនៅលើបន្ទាត់លេខ 7 វិញ គឺជាការដាក់តំណរភ្ជាប់ដើម្បីយកកញ្ចប់ jQuery មកប្រើក្នុងការសរសេរកម្មវិធី JavaScript ទាំងឡាយ ដែលនឹងដំណើរការនៅក្នុង browser របស់អ្នកចូលមើលគេហទំព័រ។ ចំពោះបន្ទាត់លេខ 8 គឺជាការដាក់ដំណរភា្ជប់ដើម្បីយកពុម្ពអក្សរខ្មែរនិងអក្សរឡាតាំងមួយចំនួនពីក្នុងប្រព័ន្ធ Google មកប្រើការ៕