បើសិនជាយើងគ្រាន់តែត្រូវការនូវគេហទំព័រមានលក្ខណៈអាជីពមួយ សំរាប់ចុះផ្សាយព័ត៌មានផ្សេងៗទាក់ទងទៅនឹងស្ថាប័នរបស់យើង ដោយមិបាច់ចំណាយប្រាក់មួយសេននោះ គេហទំព័ររបស់ប្រព័ន្ធ Hexo ជាជំរើសដ៏ប្រសើរបំផុតសំរាប់យើង។ លើសពីនេះទៀត ការប្រើប្រាស់គេហទំព័ររបស់ប្រព័ន្ធ Hexo គឺងាយស្រួលដូចបកចេក មិនចាំបា់ច់មានចំណេះដឹងព័ត៌មានវិទ្យាជ្រៅជ្រះឡើយ។ លើសពីនេះទៀត ប្រព័ន្ធ Hexo ផ្លល់ជំរើសដល់យើងជាច្រើន ក្នុងការជ្រើសរើសយកគំរូគេហទំព័រណាមួយដែលយើងពេញចិត្ត នៅក្នុងចំណោមគំរូគេហទំព័រចំនួនរាប់រយ ហើយយើងក៏អាចរចនាដោយខ្លួនយើងផ្ទាល់នូវគំរូគេហទំព័រណាមួយដែលយើងពេញចិត្តបានដែរ។
មួយវិញទៀតយើងក៏អាចប្រើប្រាស់គេហទំព័ររបស់ប្រព័ន្ធនេះ online ក៏បាន offline ក៏បាន។ ឬអាចនិយាយបានម៉្យាងទៀតថា ជាមួយនឹងគេហទំព័ររបស់ប្រព័ន្ធ Hexo អ្នកជំនួញធុនតូចនិងធុនកណ្តាល រដ្ឋបាលភូមិឃុំ សង្គមស៊ីវិល និងឬ បុគ្គលទាំងឡាយ អាចប្រើប្រាស់គេហទំព័រប្រភេទនេះមិនចាំបាច់មាន Internet ក៏បានដែរ ដែលខុសពីគេហទំព័ររបស់ប្រព័ន្ធផ្សេងៗទៀត ដែលទាមទារអោយមានការតភ្ជាប់ទៅនឹង Internet ទើបអាចអានព័តមាននៅលើគេហទំព័រទាំងនោះបាន។
ជាមួយនឹងគេហទំព័ររបស់ប្រព័ន្ធ Hexo បណ្តាអ្នកចុះធ្វើការនៅតាមតំបន់ដាច់ស្រាយាលទាំងឡាយដែលគ្នាន Internet អាចចុះផ្សាយព័តមានផ្សេងៗនៅលើគេហទំព័ររបស់គេ និងបង្ហាញព័ត៌ទាំងនោះដល់អ្នកឯទៀតបានដោយគ្មានបញ្ហាអ្វីឡើយ។
ជាកិច្ចចាប់ផ្តើម ដើម្បីអាចប្រើប្រាស់គេហទំព័ររបស់ប្រព័ន្ធ Hexo បាន យើងគ្រាន់តែទាញយកកម្មវិធី Node.js និងកម្មវិធី git មកតំឡើងនៅក្នុងកំព្យូទ័ររបស់យើង ដោយចូលតាមអាស័យដ្ឋាននេះ https://nodejs.org/en/download/ និងអាស័យដ្ឋាននេះ https://git-scm.com/downloads គឺជាការស្រេច។
ក្រោយពីដំលើងកម្មវិធី Node.js និង git រួចហើយ យើងត្រូវចុចដំណើរការកម្មវិធី Node.js ដោយចុចលើពាក្យថា «Node.js command prompt» ។ បន្ទាប់មកទៀត យើងចាំបាច់ត្រូវទាញយកឯកសារសំខាន់ៗមួយចំនួនពីប្រព័ន្ធ Hexo សំរាប់ដំណើរការគេហទំព័រថ្មីរបស់យើងជាមុនសិន ដោយសរសេរថា npm install -g hexo-cli នៅលើបង្អួចខ្មៅនោះ។
បន្តាប់មកទៀត យើងត្រូវបង្កើតថតមួយសំរាប់ដាក់គេហទំព័ររបស់យើង ដោយសរសេរថា hexo init mywebsite ។ បន្ទាប់មកទៀត យើងត្រូវចូលទៅក្នុងថតនោះដោយសរសេរថា cd mywebsite និងសរសេរថា npm install ដើម្បីតំលើងគេហទំព័រមានស្រាប់មួយនៅក្នុងថតនោះ។
ដើម្បីដំណើរការគេហទំព័ររប់សយើងដោយមិនចាំបាច់មាន Ingternet ឬ wifi យើងត្រូវចុចបើកបង្អួចខ្មៅរបស់កម្មវិធី Node.js command prompt និងសរសេរបញ្ជា cd myhexosite ដើម្បីចូលទៅក្នុងថតដែលមានគេហទំព័រថ្មីនោះ រួចសរសេរថា hexo server នៅលើបង្អួចខ្មៅ និងសរសេរថា http://localhost:4000/ នៅលើ browser ។ បើអ្វីៗបានដំណើរទៅដោយរលូន យើងនឹងឃើញរូបរាងគេហទំព័រថ្មីរបស់យើងដូចខាងក្រោមនេះ៖ ្
